ခင်မင်ရင်းနှီးမှု ခင်မင်ရင်းနှီးမှု၏စွမ်းအား၊ ရည်ရွယ်ချ

ဘုရားသခင်၏ဧဝံ]ဂေလိတရားကို သင်၏ မိတ်ဆွေအဖြစ်ခင်မင်ရင်းနှီးမိတ်ဖွဲ့မှုများက သက်သေခံချက်တစ်ခုအဖြစ် မည်သို့ဖြစ်စေနိုင်သလဲဆိုတာ သင်စဉ်းစားဆင်ခြင်မိပါသလား။ " ... သူတို့သည်တစ်လုံးတစ်ဝတည်း၌စုံလင်စေခြင်းငှါ၎င်း၊ ကိုယ်တော်သည်ကျွန်ုပ်ကိုစေလွှတ်တော် မူကြောင်းကို လောကီသားတို့သည်သိစေခြင်းငှါ၎င်း၊..." ရှင်ယောဟန်ခရစ်ဝင် ၁၇ ၂၃ သခင်ခရစ်တော်၏ တစ်လုံးတစ်ဝတည်းဖြစ်သောကိုယ်ခန္ဓာသည် ဤကမ္ဘာလောကကြီးအပေါ် ဘုရားသခင်ထားရှိသည့် ချစ်ခြင်းမေတ္တာကို ထင်ရှားစေသည့်သက်သေခံချက်တစ်ခုဖြစ်ပါတယ်။ ခရစ်တော်၏ကိုယ်ခန္ဓာဖြစ်သည့်ကျွန်ုပ်တို့သည် အချင်းချင်းတစ်ဦးနှင့်တစ်ဦးချစ်ခြင်းအားဖြင့် ဘုရားသခင်၏ချစ်ခြင်းမေတ္တာကို သက်သေခံရန် ကိုယ်တော်အလိုရှိပါတယ်။ ကျွန်ုပ်တို့တစ်ဦးနှင့်တစ်ဦး ခင်မင်ရင်းနှီးမှုရရှိရန် မိတ်ဖွဲ့ရာ၌ကျင့်ကြံပြုမူပုံက ဘုရားသခင်၏ ချစ်ခြင်းမေတ္တာကို သိသာထင်ရှားစေတဲ့သက်သေတစ်ခုဖြစ်ပါတယ်။ ကျွန်ုပ်တို့၏မိတ်ဆွေများအား ချစ်ခြင်းမေတ္တာထားခြင်း၊ တစ်ဦးနှင့်တစ်ဦးဝန်ထုပ်များကိုမျှဝေသယ်ပိုးခြင်း၊ ပဋိပက္ခများကို အတူတကွ ဖြေရှင်းဆောင်ရွက်ခြင်း၊ ဘဝခရီးလမ်းကို အတူတကွဖြတ်သန်းခြင်းနှင့် မျှဝေခြင်း၊ ဤအရာများအားလုံးသည် ဘုရားသခင်၏ချစ်ခြင်းမေတ္တာ၊ သစ္စာရှိမှုနှင့် သူ၏လူမျိုးတော်အပေါ် သစ္စာစောင့်သိမှုကို ပြသခြင်းဖြစ်ပါတယ်။ ကျွန်ုပ်တို့၏ အချင်းချင်းမိတ်ဆွေအဖြစ် ခင်မင်ရင်းနှီးမိတ်ဖွဲ့မှုများက ခရစ်တော်၏လူများအပေါ်ထားရှိသော ကိုယ်ကျိုးစွန့်မေတ္တာကို သက်သေပြခြင်းဖြစ်ပါတယ်။ ထိုနည်းတူစွာ ကျွန်ုပ်တို့၏ အချင်းချင်းမိတ်ဆွေအဖြစ် ခင်မင်ရင်းနှီးမိတ်ဖွဲ့မှုများ၌ ပဋိပက္ခဖြစ်ခြင်း၊ သဘောထားကွဲလွဲခြင်း၊ စကားများငြင်းခုံခြင်း၊ အတင်းပ